ئەو هەڵەچنەی لە مێژە چاوەڕێ کراوە. هەوڵێکی دیجیتاڵی بۆ یەکدەستکردنی ڕێنووسی کوردی. «هەڵەچنی ئاسۆ» دەروازەیەک بەرەو ڕێنووسێکی بێهەڵە و پێویستییەک بۆ هەر نووسەرێک. بە کرتەیەک هەڵەی ڕێنووسی و پێشنیازی گونجاو ببینە.

«هەڵەچنی ئاسۆ» یەکێکە لە کارە ناوازە و بەسوودەکان بۆ خزمەتکردنی زمانی کوردی؛ بەو هیوایەی لە هەموو دامودەزگاکانی هەرێمی کوردستان ببێتە پرۆگرامی سەرەکیی نووسین. ئەم هەڵەچنە کاریگەریی زۆر ئەرێنی لەسەر ڕێنووسی کوردی دروست دەکات و هاوکارێکی سەرەکی دەبێت بۆ یەکخستنی نووسینە کوردییەکان.

«هەڵەچنی ئاسۆ» ھەوڵێکی زۆر دڵخۆشکەرە کە دەتوانێت پەرە بە دروستنووسیی زمانی کوردی بدات؛ پێم وایە ئەم ھەڵەچنە دەتوانێت ببێت بە ھاوڕێیەکی جێمتمانەی ھەر کەسێک کە بیەوێت دەقێکی ڕەوان و بێھەڵە بنووسێت.

هەڤدە ساڵ تەجروبەی وەرگێڕان و تایپکردنی ڕۆژانە بە کوردی یەک شتی بۆم دەرخست. هەرچەندە شارەزای زمان و ڕێنووس بیت، دەست هەر هەڵە دەکات و چاو هەموو هەڵەکان نابینێت. دەبێت کەسێکی دووەم پێداچوونەوەی نووسراوەکەت بکات. لێرەدایە کە «هەڵەچنی ئاسۆ» دێتە هاناتەوە! هەڵەچنێکی بە ڕواڵەت سادە بەڵام بە ناوەڕۆک بەهێز کە بەقەد پێنووس بۆ هەر نووسەرێکی کورد پێویستە!